Молитва за спасение.

Ѕирни од небесата и погледни од Твоето живеалиште на светињата Твоја и на славата Твоја: каде се ревноста и силата Твоја? Големата Твоја милосрдност и милоста Твоја кон мене запрени се. Само Ти си Отец наш; зашто Авраам не нè познава, ниту Израил нè признава за свои; Ти, Господи, си наш Отец, отсекогаш Твоето име е: „Искупител наш.” Зошто Господи, си допуштил да се отстраниме од Твоите патишта, да се ожесточи срцето наше, за да не се плашиме од Тебе? Сврти се заради Твоите слуги, заради племињата на Твоето наследство. Кратко време владееше над него народот на Твојата светиња: непријателите наши го изгазија твоето светилиште. Ние станавме такви, како над кои никогаш да не си владеел, и над кои името Твое да не се спомнувало.